النتائج 1 إلى 2 من 2

الموضوع: اكلات دايت مصرية

  1. #1
    مدير عام الصورة الرمزية حلم روح
    تاريخ التسجيل
    Feb 2011
    الدولة
    In my imagination
    المشاركات
    3,070

    اكلات دايت مصرية

    أهلا وسهلاّ بكم فى منتدى شياكة اليوم اقدم لكم اكلات دايت اتمنى ان تنال اعجابك مورضاكم
    اول مجموعة اكلات دايت
    الفاهيتا المكسيكى
    المقادير
    فراخ مخليه صدور او ممكن فراخ عاديه و مسلوخه من الجلد و منزوعه الدهون
    فلفل اخضر واحده كبيره
    بصله
    4فص ثوم لكل فرخه
    2 ملعقه خل
    كوب باتر ميلك البن المتبقى بعد نزع الزبده من القشده لو مفيش استخدمى جبن بيضا ملح خفيف 2 ملعقه مع كوب زبادى
    زعتر
    بردقوش ان وجد
    بابريكا (فلفل قرنقوطى احمر)
    كمون ملعقه كبيره
    فلفل اسود
    صويا صوص (فى زجاجه صغيره عند فتح الله ب 5 جنيه)
    2ملعقه صغيره زيت زيتون
    الطريقه
    ننقع الدجاج مع كل المكونات ما عدا الفلفل الاخضر و زيت الزيتون نلاحظ اننا لم نضع ملح لان الصويا صوص حادقه
    نضع ملعقه واحده زيت زتون فى طاسه تيفال و نحمر الفلفل الاخضر و نشيله نضع الملعقه الاخرى و نصفى الفراخ من الخلطه و نضعها فى الزيت الساخن حتى تكتسب قشره و بعد نص سوا نضع باقى خلطه النقيع و بعد النضج نضع الفلفل الاخضر لمده دقيقتين بس عشان لا يمرر و تقدم مع ارز بسمتى مسلوق و الصوص هيدى الرز طعم خطير و بالهنا

    3 فراخ شاورمه
    المقادير
    بانيه صدور و ممكن فراخ كامله مخليه من الجلد و الدهون
    بصله
    فلفل اخضر
    طماطم منزوعه القشر (اغلى ماء و ضعى فيه الطماطم لمده دقيقه سوف تنزع القشره بسهوله)
    ملعقه صغيره زيت زيتون
    ملعقه كبيره مليانه قرفه
    ملح
    4 فص حبهان
    ملعقه صغيره جدا سماق من الممكن الاستغناء عنها
    الطريقه
    نضع الزيت فى مقلاه تيفال و لما يسخن نضع الفراخ و الحبهان و لا نقلب كتير لما الفراخ لونها يتغير نضع البصل و نقلب ثم الفلفل و نقلب ثم الطماطم منزوعه القشر ثم باقى التوابل و بعد ذبول الخضار نضع كوب من الماء حتى يتم نضج الفراخ و بالهنا

    4 لفائف الدجاج
    المقادير
    فراخ بانيه صدور
    كميه صغيره من اللحم المعصج (عصاج)
    بقدونس
    ملح
    فلفل
    الطريقه
    نفرد الفراخ و ندقها و نحط شويه ملح و فلفل و نلخبط اللحم بالبقدونس و نضعها فى الفراخ و نلفها مثل المحشى و نحطها فى صينيه فى الفرن تحفه بألف هنا

    5 لفائف دجاج بالخضار
    المقادير
    بانيه فراخ
    بسله و جزرمسلوقين
    ملح و فلفل و زعتر و قرفه
    الطريقه
    نفرد الفراخ و ندقها و نتبلها و نحشيها بالخضار و نضعها فى صينيه فى الفرن و بعد ما تبرد نقطعها بتبقى دوايرو الخضار الوان فى النص شكله تحفه

    6 دجاج محشو ارز بنى
    المقادير
    فرخه كامله مسلوخه
    ارز بنى (فنجان شاى)
    ملح فلفل قرفه
    كبد و قوانص
    بصله
    ملعقه زيت

    اكلات دايت مصرية

    الطريقه نضع الزيت و القوانص منزوعه الدهن و البصل ثم الكبد و الارزو نتبل حتى يبدأ الارز فى السواء ثم نحشى به الفراخ و نسلقها و بألف هنا

    7 دجاج بارد


    المقادير

    فراخ مسلوقه تقدم مع صوص الطماطم(كوب طماطم مع البصل المشوح فى ملعقه زيت زيتون و لا تسبك يا دوب تغلى)

    8 فراخ كولباست فى الفرن

    المقادير

    فراخ مسلوخه

    كوب زبادى لايت

    فلفل اخضر

    لمونه كبيره

    زعتر

    بصله

    ملعقه زيت زتون

    خضارمشكل (ممكن الاستغناء عنه)

    الطريقه

    كل اللى سبق ذكره هيوضع فى الفرن و يغطى بالفويل

    9 كفته الدجاج

    فراخ مسلوقه و مفريه

    دقيق ذره او دقيق قمح

    ملعقه زيت زيتون(ممكن الاستغناء عنها)

    شوربه منزوعه الدهن

    نص كوب لبن رايب

    سبايسى و كورن فليكس بدون سكر بتاع بسكو مصر

    الطريقه

    هنحمر الدقيق مع الزيت اونحمصه بدون زيت نضيف الشوربه كميه بسيطه عشان يبقى الخليط سميك قوى هنحط مفروم الدجاج و نخلط و نشكله و هنحطه على الرايب ثم خليط الكورن فليكس و السبايسى و هنشويهم على شبكه الفرن ممكن ندهنه بس بالزيت بفرشه الطعم هيبقى زى المقلى
    اكلات دايت 2014
    10 فراخ محشيه

    فرخه كامله مسلوخه

    4 ملاعق ارز بنى

    3 ملاعق لحم معصج

    ملح فلفل

    بصله

    كبد و قوانص الفراخ منزوعه الدهن

    ملعقه صغيره زيت

    الطريقه


    نحط الزيت و لما يسخن نحط القوانص ثم الكبد ثم الارز مع اللحم و نحشى به الفراخ و نسلقها



    11 فراخ بالفلفل

    المقادير

    فراخ مسلوخه او بانيه

    فلفل اخضر كميه 3 فلفل

    لمون

    عودين كسبره

    ملعقه عسل ابيض

    زعتر

    رشه بهار

    بصله

    ملعقه كاتشاب

    الطريقه

    كل المقادير تدخل الفرن و تغطى بفويل


    12شيش طاووق

    المقادير

    فراخ بانيه

    زبادى

    ملح و فلفل

    زعتر

    بصل

    فلفل اخضر

    طماطم للى يحبها مشويه

    الطريقه

    كل اللى فات هنلخبطه سوا و نجيب عصيان شوى و نحطهم بالترتيب و نشويهم فى الفرن على الشبكه او فى الجريل


    13 فراخ بالمسترده

    فراخ بانيه

    ملعقه نشا

    2ملعقه مسترده

    4 فص ثوم

    بصله

    ملح فلفل

    الطريقه

    تشوح فى طاسه تيفال بملعقه زيت زيتون (لا تقلب كتير عشان تاخد قشره و لون)

    14 فراخ مشويه زى الحاتى

    المقادير

    فراخ مسلوخه او بانيه

    عصير بصل

    ملح فلفل

    زعتر

    ملعقه خل عنب ان وجد

    فحم

    ملعقه سمن بلدى (مش هناكلها)

    الطريقه

    هننقع الفراخ مع البصل و التوابل بدون السمن و هنشويها فى الفرن و قبل ما تنشف عشان مسلوخه نغطيها و هى على الشوايه بالفويل و لما نطلعها نحطها فى حله محكمه الغلق و هى لسه سخنه و نجيب قطعه فويل نشكلها مقعره و نثبتها جنب الفراخ عشان ما تتحركش و نضع فيها الفحم مشتعل و نحط عليه السمن البلدى و نقفل بسرعه عشان الفراخ تتشرب ريحه دخان الشوى بتبقى زى الحاتى و لايت خالص

    15فراخ بالمشروم(عش الغراب)

    المقادير

    فرخه كبيره مسلوخه و مقطعه 8

    كوب مشروم طازج او معلب

    3 فص ثوم

    حزمه بقدونس صغيره

    لمونه

    ملعقه صغيره زيت زتون

    ملح و فلفل

    الطريقه

    نضع ملعقه الزيت فى طاسه تيفال و بعد ما تسخن نضع الفراخ و نقلبها كل
    فتره لما تبقى ذهبيه هنحط المشروم و اللمون و الملح
    و الفلفل والثوم و نزيد الماء كل شويه لغاية ما تستوى و ننشف الميا
    خالص نشيلها من على النار و بعد 3 دقائق نضع البقدونس يا دوب يذبل

  2. #2
    Director
    الصورة الرمزية chiaka
    تاريخ التسجيل
    Feb 2011
    المشاركات
    603

    رد: اكلات دايت مصرية

    اكلات دايت تحفهه وسهلة شكراااااااااااااا
    الحمد والشكر لك يارب على ما انعمت به علي
    سبحان الله وبحمدة سبحان الله العظيم


    محجبات - ازياء 2014 - فساتين سوارية - عبايات
    موضة 2014 - سيراميك - جبس

المواضيع المتشابهه

  1. اجنحة الدجاج بالسمسم - اكلات مصرية
    بواسطة sally2 في المنتدى وصفات طبخ
    مشاركات: 1
    آخر مشاركة: 2014-03-30, 08:12 PM
  2. مشاركات: 0
    آخر مشاركة: 2012-06-16, 12:39 PM
  3. اكلات رمضان.سهلة 2013 اسهل وابسط اكلات رمضان 2013
    بواسطة رانيا في المنتدى وصفات طبخ
    مشاركات: 0
    آخر مشاركة: 2012-06-16, 12:29 PM
  4. اكلات دايت سهله
    بواسطة حلم روح في المنتدى أكلات ريجيم وسلطات
    مشاركات: 1
    آخر مشاركة: 2012-04-01, 08:44 PM
  5. اكلات دايت سريعة
    بواسطة حلم روح في المنتدى أكلات ريجيم وسلطات
    مشاركات: 0
    آخر مشاركة: 2011-06-17, 06:06 AM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •